இயற்கை கற்பிக்கும் படிப்பினை - இருப்பதை பகிரும் இயற்"கை"

Copied!

கவிஞர் விஜயநேத்ரன்

Oct 13, 2021

இயற்கை கற்பிக்கும் படிப்பினை - இருப்பதை பகிரும் இயற்கை

பெற்றெடுத்தவரை

விட்டு விடுகிறோம்...

தூக்கி வளர்த்தவரை

தூக்கி எறிகிறோம்...

கற்றுத் தந்தவரை,

கடந்து செல்கிறோம்....

கட்டியணைத்தவரை,

காண மறுக்கிறோம்...

நட்பென இருந்தவரை,

நாடாது பறக்கிறோம்...

கரம் கொடுத்தவரை,

புறம் வைக்கிறோம்....

தோள் கொடுத்தவரை,

தூரத்தில் தொலைக்கிறோம்...

எதிர்த்து நின்றவரை,

ஏளனமாய்ப் பார்க்கிறோம்...

எதிரியாய் இருப்பவரை,

அழித்திட நினைக்கிறோம்...

பகை கொண்ட நெஞ்சத்தால்,

பாரதம் படைக்கிறோம்...

இதுதான் மனித வாழ்க்கை...

இதயமே தொலைந்த வாழ்க்கை‌..

ஆனால்,

இயற்கைக்கு தெரிந்ததெல்லாம்

இருப்பதைக் கொடுப்பதுதான்...

நாமதை,

அழித்து மகிழ்ந்தாலும்,

அளித்தே மகிழ்கிறது...

இயற்"கை"

இயற்கையுடன் மகிழ்வோம்...

இதயத்துடன் வாழ்வோம்....

உங்கள்,

✍️ கவிஞர் விஜயநேத்ரன்

Copied!

Copied!

அண்மை பதிவுகள்